لعبة أسئلة وتحديات معمولة عشان تكسر الملل وتقرب الناس من بعض، سواء أهل أو أصحاب أو كابلز. كل قسم فيها ليه طعمه المختلف، والأسئلة مش مكررة. اللعبة معمولة بروح خفيفة وتقدر تعدل وتزوّد فيها زي ما تحب.

اللعبة ليها مميزات كتير منها:

• أسئلة وتحديات مختلفة لكل فئة {أهل – كابلز – صحاب – شلة…}.
• تنفع في أي قعدة: البيت، الخروجة، السفرية.
• تكسر الروتين وتفتح كلام جديد من غير ما تحس.
• معمولة باللهجة المصرية الخفيفة عشان تبقى قريبة من القلب.
• بتتحدث باستمرار ويتضاف لها أقسام وأفكار جديدة.

اشمعنا او ليه تحمل لعبتنا؟

• عشان تلعبها في أي وقت من غير ما تحتاج أدوات أو تحضيرات.
• بتقوي العلاقات وتفتح مواضيع مهمة وأوقات ضحك في نفس الوقت.
• مناسبة لكل الأعمار، يعني تنفع للأطفال والكبار (مع أقسام مخصصة للكبار).
• مش مجرد لعبة، دي وسيلة تخلي القعدة ليها معنى وذكريات حلوة.

أنسب خانة لجمع شمل العيلة، سواء في البيت أو خروجة عائلية، أسئلة وتحديات تنفع لكل الأعمار وتخلي القعدة أدفى وأحلى.

معمول مخصوص للمتجوزين عشان يحيوا الحب من جديد ويكسروا الروتين. فيه أسئلة وتحديات تخلّيكم تتقربوا من بعض أكتر وتحلوا مشاكل بالعقل والهزار. {ملحوظة: فيه ألعاب +18 مخصصة للكبار بس}

فرصة ذهبية قبل أي خطوة جد، تخليك تفتح مواضيع مهمة وتفهم الطرف التاني على طبيعته. الأسئلة هنا تساعدك تاخد القرار الصح من غير لف ودوران.

لو لسه في البداية وعايزين تكسروا الجليد، الأسئلة دي خفيفة وتفتح كلام وتخلي الجو أريح وألطف.

للكابلز اللي في علاقة وعايزين وقت حلو ومختلف. هتلاقوا أسئلة رومانسية وتحديات دمها خفيف تقرّبكم من بعض وتخلّيكم تضحكوا كتير.

معمول للصحاب الجدعان اللي بيشاركوا أسرارهم، أسئلة عميقة وهزار جامد يخلي القعدة دافية وتخلي كل واحد يعرف التاني أكتر.

لما القعدة تبقى نايمة مع أصحابك، القسم ده يديها طاقة. تحديات وأسئلة مجنونة تغيّر الجو وتخليها ضحك ولعب للصبح.